JOSEF ROSNER

eMail an Ottfried Fischer

Hawideri Oddi,

dei letzda Koll, dia oa boa Sprich zum schiggn, is oakumma.
zwoa SprĂŒch howa da scho gschiggt, owa dein Bostmasda
kann'st sogn, daser si scho reiern hĂȘit kinna, daser wos krĂȘigt hout.
Normalarweis im Indanedd is des a sua, i mech dars blouß sogn,
anstÀndi is des fei niat vo Eich !

I how extra mei Glingl vom Komputa sua eigstöllt, daß i's glei hĂȘia,
wenn'tses wos in mei Bostkastl einitouts. Letztin wori wida am Kanape
glegn, schöllt's wĂȘi blaid undam Tiesch. I bin glei aafgsprunga, homa mein
Kuapf anda Dischkantn oaghaut, bin kam mĂȘiner in alle zwĂȘi Bantoffln
einikumme und lousgrennt. Beina hĂȘits mi iwa des Bobikoa vo meina
Kloin driwaghaut, sua schnell wor i droa voa lauta Neigia. Und wos is
kumma ? - nix vo Eich !

da Maila-Demon voh da Bost haut ma mal wida wos zruggkschickt
....mail failt, rietörning to sÀnda - MÀssÀtsch lock folous......
und nu meinara sua Zeich, wos i gaua niat vastai
....SĂŒntaggs erroa und missing in Ruth.....,
daweil kenni dei Frau gaua niat.

FrĂȘia, dou woa des ganz anersch, dou is dea Breif ĂȘiascht nau a boa
Wochn wida zruggkumma, a haffn Stempl draf und wirrs Zeich mit blaua
Grein und i howmi imma gwunnert, wĂȘi dĂȘi ĂŒwahapts mein Absenda
assagfunna hom, woa doch gaua niat draafgschtandn.
Heizatoch haut'es da Bosdmasta glei wida um di Ouarn, dou kast draaf
woatn - owa des is halt a sua. Und im Zeidalta das viarazwanzich
Stundn-Sörviz
- manchmol gĂȘits nu schölla, dou bstöllt dei Zeich in da FrĂȘi,
und nammitoch is scho dou -
kan koina mĂȘia wos dawoatn. I a niat......

Dawal schĂȘine Graiß, bisi wos hĂȘia vo dia, JR